Atmosfera festive e fundvitit ka filluar të ndihet kudo. E gjithë koha e përgatitjes së zbukurimeve në shtëpi është një kohë e pazëvendësueshme, argëtuese dhe magjike.Në mënyrë që festat e fundvitit të jenë momente gëzimi pranë familjes nuk mjaftojnë vetëm gatimet e shijshme, por një rol të rëndësishëm zë dhe dekorimi i shtëpisë. 
Para se të filloni zbukurimet për festat e fundvitit duhet të keni parasysh disa gjëra të vogla. Më poshtë do të lexoni disa truke të vogla se si ambjenti juaj të duket dhe më bukur :

• Planifiko Hapësiren

Një pemë e madhe në një ambjent të ngushtë dhe të vogël do të ishte mbytëse dhe do të humbte edhe funksionin estetik që ka. Por edhe nëse keni një hapësirë të madhe, duhen marrë gjithmonë në konsideratë zonat e qarkullimit përpara përcaktimit të vendit të bredhit. Kudo ta vendosni bredhin tuaj të Krishtlindjeve, ambjenti duhet të ketë hapësirën e duhur të qarkullimit.

• Zgjidhni dekoret tradicionale

• Pema e Krishtlindjeve

Pema është simboli i Krishtlindjeve. Nëse bredhi juaj është natyral, ai do të dukej më i plotë. Bredhi që përdoret më së shumti në familjet është ai jonatyral. Dekorin për bredhin mund ta zgjidhni sipas shijeve dhe stilit tuaj, këtu nuk ka asnjëherë rregulla. Vendi më i mire për të vendosur bredhin tuaj është salloni, në mënyrë që të gjithë të ftuarit ta vënë re sapo të hapet dera.

•  Dritat shumëngjyrëshe

Dritat shumëngjyrëshe janë gjithmonë një ide shumë e mirë për zbukurimin e bredhit. Një pemë e ndezur me drita krijon menjëherë atmosferë tjetër në shtëpi dhe gjithçka rreth e rrotull e bën më të bukur. Dritat e vogla të bardha janë të njohura, por mund të bleni edhe të tjera me ngjyra të ndryshme, gold, të kaltra etj. Vendosini dritat në formë spirale.

• Zbukurimet e dekorit

Pema e Krishtlindjeve, nëse nuk ka zbukurimet, nuk ka asnjë vlerë. Jo të gjitha mund të blihen, por disa gjëra të vogla mund t’I bëni edhe vetë, duke përdorur kopsa, kristale, letra shumëngjyrëshe, pambuk etj. Mos harroni të vendosni yllin në krye të pemës, një symbol tradicional po ashtu, mund të vendosni në pemë një engjëll, një flokëdëbore ose gjithçka tjetër si dekorim festiv.

• Dekori në fund të pemës

Poshtë pemës mund të vendosni një tapet të bardhë ose shumë pambuk në mënyrë që të krijojë idenë e një sipërfaqe toke të mbuluar nga bora. Vendosni dhuratat rreth e qark pemës të cilat i shtojnë shtëpisë emocionin e festave.

• Çorapet

Çorapet janë tjetër element mjaft i rëndësishëm përsa I përket dekorit. Mund të jenë çorape të punuara me dorë ose edhe corapet e gjyshes. Përdorni fjongo të kuqe dhe të gjelbra, pasi janë ngjyrat që simbolizojnë festat e fundvitit. Idealja është që çdo anëtar i familjes të ketë çorapen e vet. Vendosi bashkë pranë oxhakut nëse keni një të tillë ose në një shportë kashte që të jep idenë e dimrit.

• Dekoret e jashtme

Blini një kurorë të bërë me gjethe bredhi të freskëta ose artificial dhe zbukurojeni atë me lule të kuqe. Një kurorë do ta bëjë shtëpinë të duket më festive për Krishtlindje.

• Drita në natyrë

Nëse keni pemë të vogla në oborr, mund të vendosni disa drita shumëngjyrëshe.

• Vendosni qirinj në dritare

Vendosja e një qiriri në çdo dritare të shtëpisë, do të ishte një ide e bukur dhe pa shumë shpenzime. Qirinjtë tregojnë delikatesë, qetësi dhe emocion.

• Bëni flokë dëbore artificial

Jo vetem fëmijët, por edhe të rriturit e adhurojnë dëborën për festa. Ndaj, do të ishte ide e bukur të krijonit forma të tilla dhe t’i ngjisnit ato në dritaret e shtëpive tuaja.

Keto janë vetëm disa ide nga ne. Mos harroni të bashkangjisni edhe imagjinaten tuaj!