Kurioziteti i parë dhe më i madh i çdo klienti lidhet kryesisht me çmimet.
Cilat janë zonat më të shtrenjta dhe më të lira për investim në Tiranë? A ka arritur pikun rritja e çmimeve të banesave dhe njësive të biznesit, apo kurba do të vijojë të ruajë ritmin e saj rritës edhe në vazhdim? Këto përgjigje, por edhe të tjera janë dhënë prej agjentëve imobiliar të ftuar në podcastin e parë të iniciuar nga agjensia lider në këtë treg, Future Home.
Podcastin e parë e ndiqni të plotë këtu.
Në podcastin e parë të moderuar nga Devis Duka dhe Gjergji Benxhaj, të ftuar ishin agjentët imobiliarë Anjeza Tafa, përfaqësuese e Future Home Unaza, Helios Kullolli, përfaqësues i Future Home Komuna dhe Ana Lekgjonaj, përfaqësuese e Future Home Opportunity.
Çmimet e njësive të banimit dhe të biznesit, por edhe qiratë i janë nënshtruar një trendi rritjeje me 20% përqind, u shpreh Anjeza që në nisje të podcastit, duke parashikuar një vazhdimësi të këtij trendi edhe në të ardhmen.
Të njëjtën tendencë për rritje, e konfirmoi dhe Heliosi, i cili shtoi se çmimet e qirave kanë shkuar në 600 euro për apartamente 1+1 në komplekset e reja dhe zonat elitare të Tiranës. I pyetur se cili target grup mund t`i shfrytëzojë për banim apartamente me të tilla çmime, të cilat janë sa një rrogë për një pjesë dërrmuese të popullatës, Heliosi shtoi se ato përdoren kryesisht nga punonjës të mirëpaguar të kompanive të mëdha, drejtues biznesesh ose CEO kompanish. Ndërsa pjesa masive që ka paga mesatare ose nën mesatare janë vendosur në zonën e Freskut dhe në Unazën e Re. Zonat që mbajnë flamurin e shtrenjtësisë dhe të çmimeve të larta sipas tij janë: ish-Blloku, qendra dhe zona pranë stadiumit “Air Albania”.
Ndiq Future Home Podcast në Instagram
Nga ana tjetër, si zonë të preferuar nga klientët Anjeza nënvizoi Astirin, për shkak të idesë popullore mbizotëruese se çmimet atje janë të përballueshme. Por në realitet, sipas saj, edhe në këtë zonë ka një rritje të çmimeve, duke bërë që blerësit të cilët kërkojnë të gjejnë një pronë më të lirë, të zhvendosen me kërkimet e tyre akoma më në periferi, si në Kamëz e Vorë.
Nisur nga kërkesa e lartë që ekziston për zonat e Freskut dhe të Astirit, drejtuesi i podcastit, Devis Duka, pyeti se si ka mundësi që ka një rritje të çmimeve në këto zona, të cilat po arrijnë me shtrenjtësine e tyre edhe qendrën, ndërsa nuk ofrojnë as kopshte, as shkolla, duke patur një infastrukturë të atillë që të lë për të dëshiruar.
Si njohëse e mirë e zonës së Astirit, Anjeza u shpreh se nevoja për stabilitet dhe rehabilitim është prezente atje, por nga ana tjetër ka një ndërtim të vazhdueshëm të komplekseve dhe rezidencave. Njerëzit po e përqafojnë të jetuarit në komunitet.
Sipas Anës, agjentes së Future Home Opportunity, në rritjen e çmimeve të njësive të banimit ose të biznesit, ka ndikuar edhe rritja e kostove të ndërtimit, por edhe rënia e euros në raport me lekun, e cila ka prekur gjithashtu ndërtimin. Prej përvojës së saj shitja e pronave të shtrenjta ka qenë gjithnjë më e thjeshtë për shkak se klientët që blejnë këto prona janë më të kualifikuar, zotërojnë 2-3 objekte ose banesa të tjera dhe kanë një familjaritet më të madh me procesin e shit-blerjes.
Ndiq episodin e parë të podcastit
Një arsye tjetër pse blerësit e pronave më të lira konsiderohen edhe si “klientë më të vështirë” sipas Gjergji Benxhajt është përfshirja emocionale e tyre në proces.
“Një klient që ka 100 mijë euro dhe ka punuar shumë për t`i patur ato, përfshihet më tepër emocionalisht në proces, krahasuar me dikë që blen një pronë të shtrenjtë, 500 mijë euro, por që për të aq para nuk kanë të njëjtën domethënie”, tha ai.
Këtë argument e mbështeti dhe Anjeza, agjente e Future Home Unaza, sipas së cilës ata që blejnë njësi banimi janë më emocionalë në përzgjedhje, krahasuar me një investitor, i cili në mënyrë të mirëmenduar, ftohtë, përllogarit me laps dhe letër se sa do të jetë kthimi i investimit, nëse do të blejë për ta shitur pronën sërish në një kohë të caktuar, apo për ta lënë atë me qira.
Një prej trendeve të fundit që u nënvizua gjatë bisedës së agjentëve, ishte ai i investitorëve, të cilët i përdorin pronat e blera për t`i shfrytëzuar në Airbnb.
Për sa i përket tipologjisë së klientëve, Helios Kulloli nga Future Home Komuna, i ndau ata në: Blerës që interesohen që në fazën fillestare të projektit të një ndërtimi, e njohur në zhargon dhe si “faza e gropës”. Këta klientë sipas tij kërkojnë të bëjnë marrëveshje në lidhje me çmimin, orientimin e banesës, sepse e kanë mundësinë e përzgjedhjes. Blerësit që duan të marrin me kredi një njësi banimi të përfunduar ose ata që duan të ndryshojnë zonën, interesohen kryesisht për katin, vjetërsinë e pallatit dhe tipologjinë 2+1 të apartamenteve, e cila është e preferuara e familjarëve. Një pjesë e klientëve të interesuar kërkojnë të lënë banesat e tyre në pallate ekzistuese, duke i zëvendësuar me ato të pallateve të reja, edhe kur bëhet fjalë për metra katrorë të pakësuar.
E pyetur nga drejtuesi i podcastit, Devisi, se ku do i sugjeronte një klienti të blinte me një shumë prej 150 mijë eurosh, Ana u përgjigj:
“Do t`i sugjeroja në zonën e Barrikadës një apartament 1+1, ose në zonat e Selitës, Unazës së Re dhe të Fushës së Aviacionit. Sugjerimi më i mirë që do t`ju jepja tani do të ishte në zonën e Bulevardit të Ri. Është një nga zonat më në zhvillim, në ndërtim pothuajse e gjitha. Ka akses si nga pjesa veriore dhe ajo jugore e Tiranës, lidhet me Unazën e Madhe dhe është shumë afër me qendrën. Aty do të ishte investimi ideal”.
Të gjithë agjentët dhe ekspertët e tregut imobiliar ishin të të njëjtit mendim, se çmimet e pronave do të vijojnë të ndjekin një trend rritës, përveç Devisit, i cili beson se tashmë është arritur piku i tyre.
Për më shumë informacion rreth tregut imobiliar dhe shit-blerjes së pronave, ju ftojmë të vizitoni faqet tona online dhe rrjetet sociale, si dhe të na ndiqni në podcastet e radhës.
Future Home “Njerëzit, jo pronat”
