Kompania lindi në një periudhë të rëndësishme të tranzicionit të Shqipërisë drejt modernizimit të jetesës dhe tregut të pronave. Ky proces u shoqërua me lëvizje të mëdha demografike dhe sfida reale për individët dhe familjet që kërkonin një vend të sigurt për të ndërtuar ose rifilluar jetën e tyre. Në këtë realitet, tregu i pasurive të paluajtshme shpesh karakterizohej nga mungesa e strukturës, rregullave të qarta dhe orientimit profesional.

Bumi i ndërtimit, i zhvilluar shpesh pa standarde të unifikuara, krijoi nevojën për një aktor të besueshëm që të lidhte kërkesën e klientëve me ofertën e tregut në përputhje me ligjin dhe interesin afatgjatë të blerësit dhe investitorit.Sot, 300 agjentë të certifikuar dhe të trajnuar vazhdimisht janë aktivë çdo ditë në terren, duke analizuar tregun, duke kuptuar nevojat reale të klientëve dhe duke ndërtuar zgjidhje efikase për blerje, shitje, qira dhe investime.

Me 30 zyra në të gjithë territorin e Shqipërisë, Future Home Real Estate është një nga rrjetet më të mëdha imobiliare në vend, duke garantuar mbulim kombëtar, shërbim të standardizuar dhe reagim të shpejtë ndaj çdo kërkese. Besimi i klientëve tanë është themeli i rritjes sonë. Falë feedback-ut dhe eksperiencës së ndërtuar ndër vite, ne vazhdojmë të zhvillohemi çdo ditë për të ofruar shërbime gjithnjë e më cilësore dhe për të qenë partneri juaj i besueshëm në çdo hap të rrugëtimit imobiliar.