Profesioni i agjentit të pasurive të patundshme,sic cdo profesion tjetër të kërkon të mësosh gjëra të reja cdo ditë dhe të rritesh profesionalisht duke dhënë më të mirë tënde.

Për të qenë më i miri në këtë profesion nuk ka një formulë të gatshme suksesi por janë përpjekja e përditshme,mundi dhe vullneti ato që bëjnë diferencën në këtë sektor.

Më poshtë do të listojmë disa këshilla që mund tju ndihmojnë të përmisoheni dhe pse jo të bëheni më i miri:

1-Mësoni artin e komunikimit

Nëse në bizneset e tjera,komunikimi është i rëndësishëm në biznesin tonë është tepër thelbësor.Nëse doni vërtet të shisni,më parë duhet të mësoni të dëgjoni.Për njerëzit,shitja apo blerja e një prone është shumë emocionale.Ata kanë nevojë të ndjejnë që ju i dëgjoni dëshirat e tyre.

Duhet të keni parasysh që njerëzit blejnë nga njerëzit,jo nga biznesi.Ata blejnë me njerëz që kanë besim dhe që i pëlqejnë prandaj është shumë e rëndësishme të krijoni një komunikim të shëndoshë me klientët tuaj.

2-Krijoni ortakëri

Për të qenë më i mirë në këtë fushë duhet të kuptoni që nuk mund t`ia dilni i vetëm.Gjithmonë është mirë të ndihmoheni nga të tjerë por edhe ju të ndihmoni të tjerët të kenë sukses në biznesin e tyre.

Mundohuni të krijoni një network sa më të gjerë dhe gjithëpërfshirës.Një bankier që mund tju ndihmojë në procesin e kreditimit,një ndërtues,një arkitekt apo interior designer janë mundësi shumë të mira për te krijuar partneritete.

3.Mbani marrëdhënie afatgjata

Në rastin kur keni mbaruar ciklin e shitjes me një klient kjo nuk do të thotë që ju keni mbaruar edhe marrëdhënien me të.Përkundrazi ju duhet të vazhdoni të keni relata edhe pse nuk është e thënë të jenë shumë intensive.

Mjafton që të mbeteni në kontakt për ti kujtuar ata që ju jeni ende në biznes sa herë që ata apo njerëz që ata njohin të kenë nevojë për shërbimin tuaj.

4.Krijoni një prezencë online

Në kohën ku po jetojmë,rrjetet sociale janë kthyer në një kanalet më të fuqishme të marketingut.Nëse nuk jeni në rrjete sociale,ju nuk ekzistoni!

Pra është e rëndësishme që të krijoni profilin tuaj në disa rrjete sociale dhe të postoni mbi përditshmërinë dhe punën tuaj.Kujdesuni që postet tuaja të jenë sa më kreative dhe të keni një profil të kuruar.

5.Kujdesuni për veten tuaj

Kjo punë është shpeshherë tepër e lodhshme dhe stresuese prandaj duhet të gjeni kohë për tu kujdesur për veten tuaj.Shplodhuni mjaftueshëm,hani mirë dhe ushtrohuni rregullisht.

Bëni cfarë është e nevojshme për të qenë të shëndetshëm mendërisht dhe fizikisht.Në këtë mënyrë do të jeni më të fokusuar në punë dhe për rrjedhojë edhe më të suksesshëm.