Një vit rritjeje të fuqishme – 7 zyra të reja në rrjet
Rruga drejt suksesit të Future Home vazhdon me hapa të sigurtë dhe strategjikë. Vetëm gjatë vitit 2025, brandi ka shtuar 7 zyra të reja, duke zgjeruar praninë dhe ndikimin në Tiranë, Durrës dhe Pogradec. Këto zyra nuk janë thjesht pika të reja operimi, por janë histori reale njerëzore, profesionalizëm i provuar dhe një pasqyrë e qartë e modelit të rritjes që Future Home ofron.
Future Home Dyrrah – Durrës
Në qytetin bregdetar të Durrësit, u hap zyrtarisht Future Home Dyrrah, e udhëhequr nga Eri Moci dhe Florenc Shallari.
Të dy kolegët, me një eksperiencë disavjeçare në trajtimin e klientëve dhe menaxhimin e situatave të ndryshme të tregut, sjellin në këtë zyrë një kombinim të qëndrueshëm profesionalizmi, etike dhe dedikimi. Vendosja strategjike e zyrës në Sheshin “Iliria” e kthen atë në një pikë referimi për klientët që kërkojnë shërbim të besueshëm, komunikim të qartë dhe asistencë të personalizuar në çdo transaksion imobiliar.
Future Home Prestige – Tiranë
E themeluar nga Anxhela Musaj, një profesioniste me 5 vite eksperiencë në tregun e pasurive të paluajtshme dhe dy vite si pjesë e komunitetit Future Home, kjo zyrë përfaqëson ambicien e profesionistëve që arrijnë të ndërtojnë biznesin e tyre brenda brandit. E vendosur në Rrugën “Dritan Hoxha”, Future Home Prestige sjell një kulturë shërbimi modern, të bazuar në korrektësi, dedikim dhe trajtim të specializuar të pronave dhe klientëve. Anxhela dhe ekipi i saj janë shembulli i rritjes së qëndrueshme dhe i besimit te brandi.
Future Home Lakeside – Pogradec
Hapja e kësaj zyre shënon një moment historik, pasi është zyra e parë e Future Home në Pogradec. E drejtuar nga Elis Macura, një broker me eksperiencë 3-vjeçare dhe njohje të thellë të tregut lokal, Future Home Lakeside synon të sjellë shërbim korrekt, profesional dhe të standardizuar në një qytet me potencial të madh turistik dhe investimesh. E vendosur në Shëtitoren “1 Maji”, zyra përfaqëson urën e re të komunikimit mes klientëve dhe tregut të pronave në zonë.
Future Home Return – Tiranë
Dorian Duka, pas 7 viteve eksperiencë në tregun e pasurive të paluajtshme dhe një periudhe shumë të suksesshme si agjent i Future Home, u rikthye tek brandi duke hapur zyrën e tij Future Home Return. Ky rikthim simbolizon edhe vlerën më të madhe të Future Home: ruajtjen e komunitetit dhe mundësinë për t’u rritur profesionalisht brenda sistemit. Zyra e tij, e pozicionuar në Rrugën Kongresi i Manastirit, ofron një shërbim të besueshëm dhe të orientuar vetëm drejt cilësisë.
Future Home Empire – Tiranë
Një tjetër shembull i rritjes së brendshme është Romina Elezi, e cila nga pjesë e stafit administativ, e vazhdoi karrierën si agjente imobiliare dhe sot ka hapur zyrën e saj Future Home Empire në Rrugën Jordan Misja. Rruga profesionale e Rominës është tregues i mundësive reale që brandi i ofron të gjithë atyre që duan të ndërtojnë një karrierë të qëndrueshme në tregun imobiliar.
Future Home Prime – Tiranë
Zyra Prime, e themeluar nga Helios Kullolli dhe Erind Shehu, të dy profesionistë me 5 vite eksperiencë si agjentë imobiliarë, sjell një standard të ri bashkëpunimi dhe operimi në zonën e Rrugës së Durrësit. Ky dysh bashkon eksperiencën, energjinë dhe ambicien për t’i ofruar klientëve një shërbim të strukturuar, të disiplinuar dhe përtej pritshmërive.
Future Home Idea – Tiranë
Zyra më e re e Future Home është Future Home Idea, e cila do të operojë në zonën e Rrugës së Kosovareve. E udhëhequr nga Greta Gjoni, me eksperiencë 6-vjeçare në industrinë e real estate, kjo zyrë vjen me një qasje të re, moderne dhe të orientuar drejt shërbimit profesional të klientit. Greta ka profil profesional të ndërtuar mbi korrektësinë, transparencën dhe aftësinë për të menaxhuar portofol të gjerë klientësh, elemente të cilat përputhen plotësisht me kulturën e Future Home.
Viti i 10-vjetorit – Një kapitull i ri në historinë e brandit
Viti 2025 shënoi një moment kulmor për Future Home, pasi kompania festoi 10-vjetorin e themelimit. Ky përvjetor nuk ishte thjesht një numër, por simboli i një dekade pune, sakrifice dhe suksesi. Në nder të këtij momenti, Future Home organizoi një Event Gala madhështor në Korpusin e Universitetit Politeknik të Tiranës, një mbrëmje që bashkoi qindra profesionistë, partnerë dhe bashkëpunëtorë që kanë qenë pjesë e këtij rrugëtimi.
Atmosfera e galasë reflektoi gjithë energjinë, dedikimin dhe ndjesinë e komunitetit që e karakterizon këtë brand. Mes fjalimeve, vlerësimeve dhe prezantimeve të historisë së kompanisë, u theksua edhe një herë misioni i Future Home: të krijojë mundësi për profesionistët e rinj, të rrisë standardin e tregut dhe të ndërtojë një eksperiencë të veçantë për çdo klient.
Ky event shërbeu si një pikë referimi. Jo vetëm për të festuar të shkuarën, por edhe për të shpallur vizionin e dekadës së re që po nis – një dekadë e rritjes, inovacionit dhe zgjerimit strategjik.
Future Home – Nga një vizion në një rrjet kombëtar
Historia e Future Home është historia e një brandi që ka ditur të rritet në mënyrë të qëndrueshme, të investojë te profesionalët e duhur dhe të ndërtojë një kulturë të fortë bashkëpunimi dhe lidershipi. Nga një zyrë e vetme në vitin 2015, sot kompania ka arritur në 30 zyra, me qindra profesionistë që punojnë çdo ditë për të sjellë shërbim cilësor dhe për të përmbushur nevojat e çdo klienti.
Future Home nuk është vetëm një emër—është një sistem, një vizion dhe një familje profesionale që po ndërton të ardhmen e tregut imobiliar shqiptar.
