Të kalosh një fundjavë ndryshe do të thotë të shpenzosh në ndihmë të një familjeje në nevojë po aq sa do shpenzoje për një drekë apo darkë në një fundjavë. Por kësaj radhe ke ndihmuar një familje të ushqehet për një muaj.
Future Home është pranë të gjitha shtresave të shoqërise
Rreth nesh, shumë shpesh ka disa familje që nuk punojnë , nuk kanë mundësi e as përkrahje ta bëjnë këtë. Edhe ata nuk pushojne asnjë ditë të javës së luftuari kundër mizerjes e skamjes. Ata edhe sot, si e djelë, po vazhdonin luftën e tyre per mbiejetese. Po shtrëngonin barkun bosh e të lagur nga ambjentet ku jetonin. Edhe sot ishin ngritur në këtë shoqëri që po vazhdon t'i neglizhojë kushtet e tyre të mjerueshme.
Ishim aty për t'i dhënë një përqafim të ngrohtë, sado I huaj. Ajo shtresë e njeh përkushtimin shumë mirë, sepse fatkeqësisht e has shumë rrallë, e këtë mund ta kuptosh lehtësisht. Ishim aty për t'i bërë sado pak më të lehtë mundin për te gjetur ushqim në këto ditë të ftohta. Ishim sepse mendojmë se njerëzit duhen mbështetur sidomos kur janë ne vështirësi. Ishim sepse të gjithë kemi nevojë për ndihmë në luftën që kemi përditë, secili në jetën e tij. Ishim dhe do të jemi gjithmonë për njerëzit në nevojë.
Ata ishin shumë afër Tiranës . Na u desh më pak se 10 minuta për të shkuar tek ata, por do të na duhet gjithë jeta për t'i harruar ato buzëqeshje të harruara mes skamjes.
- Future Home-Real Estate -
